AussieBoer

Die Bokke het 2008, die Dunedin voodoo gebreek in die ou ‘House of Pain’. Ricky January se oomblik van briljantheid het gesorg vir die Bokke se 30-28 oorwinning. Pieter de Villiers, het dus iets reg gekry wat selfs befaamde afrigters soos Hennie Muller, Danie Craven, Ian McIntosh, Rudolph Straueli en Jake White nie kon reg kry in Dunedin nie.

Interessant van die eerste toets in 1921; die toerkaptein, Theo Pienaar, saam op die veld vir die foto in sy paklere terwyl Boy die kaptein op die veld was. Daardie span het vier Morkels ingesluit, Boy, Gerhard, Harry en Henry. Boy was 36 jaar oud! Nog ‘n Morkel, Royal was ook op daai toer en het in later toetse gespeel.

Saterdag is dit egter in die binnehuise, Forsyth Barr Stadium, wat die All Blacks se aanvallende hardlooprugby sal bevoordeel. Die Bokke se skop-wedstrydplan sou meer effektief gewees het, in ‘n nat-, reenerige-, sneeu-, modderveld.

 Hoe klop jy die All Blacks? Vra vir Graham Henry!

Die Bokke sal die All Blacks onder druk moet plaas van die begin af en nie binne minute agter raak nie. As hul opvangrugby gaan moet speel gaan die Kiwis hul stukkend hardloop.

Maak die spel stadig as die bal uit die spel is. Verdediging is teen die All Blacks uiters krities aangesien hul ondersteunende spelers goed in spasie opvolg as hul die opponent se linie gebreek het. Mis jy ‘n duikslag kan jy amper so te se stelling onder jou pale gaan inneem.

Wat die All Blacks so goed maak is dat hul eerste fasette altyd goed tot puik is. Hul het briljante X-faktor spelers wat toegelaat word om die situasie te speel. Hul spelers is ook ingestel om te ‘offload’ in die duikslag en nie net fases op te stel nie. Jou tweede verdediger moet dus ‘n binnelyn vanaf die All Blacks se ondersteunende speler hardloop om die ‘offload’ te verhoed. Dank Vader $onny Bill is op die sushi-trein. Deur ‘n speler lag te vat en nie die bal te probeer duik nie, maak jy die uitvoer van die ‘offload’ baie moeiliker.

As jy teen die All Blacks skop, moet dit uit wees. Indien dit nie uit is nie, moet jy eerder stadiger opvolg maar hou jou lyne. Die probleem is dat spelers soos Israel Dagg, Hosea Gear, Ma’a Nonu, Corey Jane en kie, vinning opsom wat hul voor hul sien en dan die stadige dinosaur voorspelers van die Bokke uitsoek om aan te vat.

In die tweede helfte sal ek Marcell Coetzee opstuur in Willem Alberts of Duane Vermeulen se plek. Saam kan hy en Francois Louw in die All Blacks se spel by afbreekpunte stadiger maak. Stuur ook sommer vroeg vir Johan Goosen en Patrick Lambie op. Met Andries Bekker en Juandre Kruger saam in die lystane, kan hul die druk op die kiwis vemeerder. Hopelik sal die Bokke nog lemoentyd in die prentjie wees.

Kan die Bokke wen? As hul meer innoverend speel, Morne en Frans Steyn al hul skoppe oorsit en met baie geluk het hul ‘n kansie.

Die Wallabies gaan ook geskiedenis maak met die eerste rugbytoets ooit op die Goue Kus. Skilled Park stadium is die tuiste van die Gold Coast Titans rugbyliga-span. Nathan Sharpe, ‘n oudskolier van TSS (The Southport School), spogskool op die Goue Kus, sal dus sy toetsloopbaan op tuisbodem in sy ou agterplaas af sluit.

Berrick Barnes op heelagter, is ‘n interessant skuif in Kurtley Beale se plek, terwyl Pat McCabe weer met die nommer 12 sal uitdraf. Nick Phipps vervang die beseerde Will Genia. Kan die Poemas verras

Balle op die Guillotine: My keuses in Bold.

All Blacks vs Springbokke

Wallabies vs Poemas

Cheetahs vs Lions

Griekwas vs Bulle

Sharks vs WP

Rynard Elstadt se onttrekking swaai dit vir my in die Sharks se guns.

PS: Josh Strauss se vertrek na Glasgow om moontlik in 2015 die Skotse Wereldbeker span te haal, is dit ‘n verlies vir die Bokke? Sou jy dit gedoen het as jy in Strauss se skoene was?

Come and vote on Polls who should be Bok flyhalf and fullback at:

http://blogs.dieburger.com/KevinD26/morne-steyn-behou-sy-plek